REPTILIA in cibis

REPTILIA in cibis
apud Herodotum, l. 1. c. 183. Σιτέονται οἱ Τρωγλοδύται ὅφις καὶ ςαύρους καὶ τὰ τοιαῦτα τῶ ἑρπετῶν, Vescuntur Troglodytae serpentibus lacertisque et istiusmodi reptilibus. Sic in Plin. l. 6. c. 29. Candaei, quos Ophiophiagos vocant, serpentibus vesci assueti. Quin et Lacedaemonios a Pythia ὀφιοβόρους fuisse dictos, quod serpentes avide vorâssent, famis tempore, scribit Plutarchus, de Orac. Pyth. Et de muris esu, legitur Esaiae c. 66. v. 17. Sunt et alia Reptilia, quorum esum Arabum nonnulli concedunt: nempe crocodilus terrestris, aliarbuo (quae murisagrestis species) mustela, chamaeleontis species quaedam, ericius, et hystrix, ut videre est apud Damirem, c. de Reptilibus. Quem tamen ultimum in reptilibus censeri mirum. E quibus patet, non frustra interdici Levit. c. 11. v. 29. et 30. ea animalia, quorum esu ipsa natura abhorrere videtur, cum Iudaeis vicini Arabes illorum usum concesserunt. Sed utut ad esum vix utilia, non tamen incassum creata sunt, ut obicit Epicurus. Talpae ad vestium usum serviunt, viperae sanguis ad theriacam, scincus ad antidotum Mithridatiam, stellio ad morsum scorpionis etc. quod idem de iis statuendum, quorum usus nos latet. Aut si quae suntanimalia solum noxia, saltem iis utitur Deus ad impiorum supplicia. Ut cum serpentes urentes misit in Israelitas, qui Christum tentaverant in deserto, 1. Corinth. c. 10. v. 9. et mures in Philistaeos, 1. Sam. c. 6. v. 5. Imo et virtutem suam Deus exserit in horum animalium veneo reprimendo, quo minus suis noceant, uti legimus Psal. 91. v. 13. et Es. c. 11. v. 8. Exemplô Apostolorum, de quibus Marci c. 16. v. 18. ὄφεις ἀροῦςι; Pauli inprimis, cuius manui innoxiô conatu vipera se alligavit Act. c. 28. v. 3. Quod miraculum in Aegypti urbe Copto Diabolus aemulatus est: ubi in fano Isidis, mulieres apud Deam lugentes et humi cubantes et pedibus nudae incedentes, scorpiones immanes, qui ibi magnâ copiâ erant, calcabant illaesae, Aelian. Hist. l. 10. c. 23. Sumitur autem vox Reptilis in Scriptura plerumque pro quovis animali, quod neque quadrupes aliquantae molis, neque avis, neque piscis est. Sic Reptilibus accenset Moses minima quadrupedum, puta mures et talpas, Lev. c. 11. v. 29. exsanguiaque omnia sive super ventrem serpant, ut vermes, sive quadrupedia ut locustae; seu multipeda, ut scolopendra, v. 42. adde volucria, ex v. 20. quales sunt, praeter locustarum nonnullas, muscae, papilionec etc.
Itaque ex doctrina Mosis, duo Reptilium genera sunt, Ἔναιμα, i. e. sanguine praedita, ut serpentes, mures et talpae; et Α῎ναιμα, sanguine cassa, ut vermes et insecta omnia, locusta, musca, formica, aranea, scorpio, pulex et pediculus. E quibus nonnulla quoque in cibum recepta, fuci, pediculi, formicae, vermes, limaces; Sed et Iudaeis mel et locustae concessae. Ut de usu eorum Idololatrico apud Gentes nihil hîc addam, praeter locdum Ecechielis, c. 8. v. 10. ubi iam ad populum Dei Reptilium cultum a Gentibus pervenisse legimus: Ingressus itaque (in Templum Domini) aspexi; ecce autem omnes formas Reptilium et iumentorum detestandorum--expressum opus in pariete ipso circumquaque: v. 11. Et septuaginta viros e Senioribus domus Israelis---stantes coram illis, quemque thuribulum suum habentem in manu sua etc. Porro, hominie terra facto cum Deus adduxisse dicatur, quaecumque animantia e terra fecerat, i. e. aves et agri bestias, hôc nomine non quadrupedes solum, sed et Reptilia intelligenda. Nec obstat, quod horum pleraque viliora et abiectiora videantur, quam
ut homini adduci debuerint, et contemplanda exhiberi. Quid ni enim hominis consideratione digna sint, quaecumque Deus creare et conservare non dedignatur. Nec minus est, quod in ape miremur, aut formica, quam in ceto aut elephante: cum hoc ipsum inprimis mirabile sit, quod in tantillo corpore tot animi dotes emineant. Accesserunt autem Reptilia ad Adamum ipsô, quô creata sunt, die, ut colligitur ex Genes. c. 1. v. 25. etc. 2. v. 19. Quam in rem vide plura apud Bochart. Hieroz. Parte prior. l. 1. c. 5. et 9.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.